ਜਲੰਧਰ ਦੇ ਬਲਟਨ ਪਾਰਕ ਵਿੱਚ ਹੋਏ ਸਵਤੰਤਰਜੀਤ ਉਰਫ਼ ਸੱਤਾ ਘੁੰਮਣ ਕਤਲ ਮਾਮਲੇ ਚ ਥਾਣਾ ਨੰਬਰ 1 ਦੀ ਪੁਲਿਸ ਨੇ ਕਾਰਵਾਈ ਕਰਦਿਆਂ ਹੋਇਆ ਮ੍ਰਿਤਕ ਸੱਤਾ ਦੇ ਪਿਤਾ ਰਿਟਾਇਰਡ ਕੈਪਟਨ ਮੋਹਨ ਸਿੰਘ ਦੇ ਬਿਆਨਾਂ ਤੇ ਨਿਤਿਸ਼ ਕੁਮਾਰ ਗੁੱਲੀ, ਰਾਹੁਲ ਸੱਭਰਵਾਲ ਅਤੇ 3 ਹੋਰ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨਾਂ ਤੇ ਮ੍ਰਿਤਕ ਦੇ ਪਿਤਾ ਕੈਪਟਨ ਮੋਹਨ ਸਿੰਘ ਨੇ ਦੱਸਿਆ ਹੈ ਕਿ ਸੁਰਜੀਤ ਸਿੰਘ ਉਰਫ਼ ਸੱਤਾ ਸਬਜ਼ੀ ਮੰਡੀ ਜਲੰਧਰ ਗੱਡੀਆਂ ਦੀ ਪਰਚੀਆਂ ਕੱਟਣ ਦਾ ਕੰਮ ਕਰਦਾ ਸੀ ਅਤੇ ਮੰਡੀ ਦੇ ਅੰਦਰ ਵੀ ਫੜੀਆ ਅਤੇ ਸਬਜ਼ੀਆਂ ਰੇਡੀਓ ਦੀ ਰਾਖੀ ਕਰਨ ਵਾਸਤੇ ਚੌਕੀਦਾਰ ਰੱਖੇ ਹੋਏ ਸਨ ਅਤੇ ਨਿਤੀਸ਼ ਕੁਮਾਰ ਗੁੱਲੀ ਵਾਸੀ ਅਮਨ ਨਗਰ ਵੀ ਮੰਡੀ ਵਿੱਚ ਆਉਂਦਾ ਜਾਂਦਾ ਸੀ ਇਸਦੀ ਚੌਂਕੀਦਾਰ ਨੂੰ ਲੈ ਕੇ ਸੱਤੇ ਨਾਲ਼ ਤਕਰਾਰ ਸੀ। ਉਨ੍ਹਾਂ ਕਿਹਾ ਮੈਨੂੰ ਯਕੀਨ ਹੈ ਕਿ ਨਿਤਿਸ਼ ਕੁਮਾਰ ਗੁੱਲੀ ਅਤੇ ਰਾਹੁਲ ਸੱਭਰਵਾਲ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਮੇਰੇ ਲੜਕੇ ਦੇ ਸੱਟਾਂ ਮਾਰ ਉਸਦਾ ਕਤਲ ਕੀਤਾ ਹੈ।
ਦਸ ਦਈਏ ਕਿ 28 ਜਨਵਰੀ ਨੂੰ ਨਿਤੀਸ਼ ਕੁਮਾਰ ਗੁੱਲੀ ਅਤੇ ਰਾਹੁਲ ਸੱਭਰਵਾਲ ਨੂੰ ਜਲੰਧਰ ਨੌਰਥ ਦੇ ਆਮ ਆਦਮੀ ਪਾਰਟੀ ਵੱਲੋ ਕਾਲੇਜ ਦਾ ਵਾਈਸ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਸੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਪਤਾ ਇਹ ਵੀ ਲੱਗਾ ਹੈ ਕਿ ਕਾਲੇਜਾ ਵਿੱਚ ਜਿਹਨਾਂ ਨੂੰ ਪ੍ਰਧਾਨ ਬਣਾਇਆ ਜਾਂਦਾ ਹੈ ਉਹਨਾਂ ਤੇ ਸਿਆਸਤਦਾਨ ਆਪਣਾ ਹੱਥ ਰੱਖ ਦਿੰਦੇ ਨੇ ਉਸਤੋ ਬਾਅਦ ਕਾਲੇਜਾ ਵਿੱਚ ਗੁੰਡਾਗਰਦੀ ਹੋਣ ਲੱਗ ਜਾਂਦੀ ਹੈ ਜਿੱਸ ਵਿੱਚ ਨੌਜਵਾਨ ਕ੍ਰਾਈਮ ਦੀ ਦੁਨੀਆਂ ਵਿੱਚ ਐਂਟਰੀ ਕਰਦੇ ਨੇ ਅਤੇ ਕਿਸੇ ਮਾਂ ਦੀ ਕੁੱਖ ਸੁੰਨੀ ਹੋ ਜਾਂਦੀ ਹੈ।
